Um Torget

Torget (torget.is) er endursölumarkaður þar sem einstaklingar geta selt og keypt notaðar vörur. Vefurinn er rekinn af Kolbeini Comte, kt. 170600-2150, netfang: hallo@torget.is.

Með því að nota þjónustuna samþykkir þú þessa skilmála.

Innskráning

Ekki þarf að skrá sig inn á Torget til að skoða vörur. Þú berð ábyrgð á öllu sem gert er í gegnum þinn aðgang.

Vörur til sölu

Allar vörur skulu vera hreinar og í samræmi við lýsingu. Seljandi ber ábyrgð á að myndir og lýsing gefi rétta mynd af vörunni, þar á meðal göllum. Vara er keypt í því ástandi sem henni er lýst.

Óheimilt er að selja: falsaðar vörur, stolnar vörur, vopn, fíkniefni, lyf, klámefni eða annað sem lög banna.

Torget áskilur sér rétt til að fjarlægja auglýsingar og loka aðgangi notenda sem brjóta gegn þessum skilmálum.

Greiðslur og þóknun

Greiðslur fara fram í gegnum örugga greiðslugátt (Rapyd / ValitorPay). Kortaupplýsingar eru unnar af greiðslumiðlara og eru aldrei vistaðar hjá Torget.

Þóknun Torget er 6% af söluverði og hún er dregin frá áður en söluandvirði er greitt út til seljanda. Það kostar ekkert að skrá vörur til sölu á Torget.

Til að fá greitt þarf seljandi að tengja bankareikning við aðgang sinn. Bankareikningur skal vera á kennitölu seljanda.

Afhending

Afhending fer fram í gegnum Dropp. Þegar vara hefur verið seld:

• Seljandi skal senda vöruna með Dropp innan 5 daga frá kaupum og tryggja að hún sé í góðum umbúðum.
• Kaupandi ber sendingarkostnað, sem bætist við uppgefið verð vörunnar.
• Þegar vara hefur verið afhent Dropp falla ábyrgðarskilmálar Dropp í gildi. Torget ber enga ábyrgð á týndum sendingum eða tjóni í flutningi.

Greiðsla til seljanda og ágreiningur

Greiðsla er geymd hjá Torget þar til:

• kaupandi staðfestir móttöku vörunnar, eða
• 2 dagar eru liðnir frá afhendingu án athugasemda frá kaupanda.

Þá er söluandvirði, að frádreginni þóknun, greitt út á bankareikning seljanda innan 7 virkra daga. Útborgun fer fram með millifærslu frá rekstraraðila Torget á bankareikning seljanda.

Ef kaupandi tilkynnir innan 2 daga að vara sé ekki í samræmi við lýsingu eða hafi ekki borist getur Torget frestað útborgun á meðan málið er skoðað. Leitast verður við að finna lausn sem hentar báðum aðilum.

Endurgreiðslur

Kaupandi getur tilkynnt vandamál við pöntun (vara ekki í samræmi við lýsingu, skemmd, eða hefur ekki borist) innan 2 daga frá afhendingu samkvæmt staðfestingu frá Póstþjónustu. Á meðan tilkynning er í skoðun er útborgun til seljanda fryst. Torget metur málið og endurgreiðir kaupanda þegar tilefni er til. Sé engin tilkynning send innan 2 daga teljast kaup samþykkt og útborgun til seljanda fer fram með venjulegum hætti.

Brot á skilmálum

Óheimilt er að beina viðskiptum um skráðar vörur út af vefnum. Brot á þessu varðar banni af frekari viðskiptum á Torget.

Samskipti

Öll samskipti á Torget skulu fara fram af kurteisi og virðingu.

Lög og varnarþing

Skilmálar þessir eru í samræmi við íslensk lög. Rísi ágreiningur skal hann rekinn fyrir Héraðsdómi Reykjavíkur. Neytendur geta jafnframt leitað til Neytendastofu.

Breytingar

Torget áskilur sér rétt til að breyta skilmálum þessum með 14 daga fyrirvara. Áframhaldandi notkun þjónustunnar telst samþykki á breyttum skilmálum.

Ábyrgðaraðili

Kolbeinn Comte, kt. 170600-2150, netfang: hallo@torget.is

Vinnsla persónuupplýsinga er í samræmi við lög nr. 90/2018 og almennu persónuverndarreglugerð ESB (GDPR).

Hvaða upplýsingum söfnum við

• Aðgangsupplýsingar: Nafn, netfang og dulkóðað lykilorð.
• Bankaupplýsingar: Reikningsnúmer seljenda til útborgunar. Kortaupplýsingar kaupenda eru unnar beint af greiðslumiðlara og eru aldrei vistaðar hjá okkur.
• Söluupplýsingar: Myndir, lýsingar og verð á vörum sem þú setur í sölu.
• Tækniupplýsingar: IP-tala, tegund vafra og heimsóknartímar.

Hvernig við notum upplýsingarnar

Við vinnum persónuupplýsingar til að geta rekið þjónustuna, miðlað greiðslum, greitt út söluandvirði og uppfyllt lagaskyldur. Grundvöllur vinnslunnar er framkvæmd samnings við þig, lögmætir hagsmunir og lagaskylda.

Þriðju aðilar

Við seljum aldrei persónuupplýsingar. Við deilum upplýsingum aðeins með:

• Greiðslumiðlurum (Rapyd / ValitorPay): Til að vinna kortaupplýsingar kaupenda.
• Dropp: Sendingartengdar upplýsingar sem nauðsynlegar eru til að búa til sendingarmiða.
• Hýsingaraðilum: Gagnagrunns- og vefhýsing innan Evrópska efnahagssvæðisins.
• Stjórnvöldum: Ef lagaskylda krefst.

Varðveislutími

Aðgangsupplýsingum er eytt innan 90 daga frá lokun aðgangs. Viðskiptagögn eru varðveitt í 7 ár skv. bókhaldslögum.

Réttindi þín

Þú átt rétt á að fá aðgang að, leiðrétta, eða fá eytt persónuupplýsingum um þig. Sendu erindi á hallo@torget.is — við svörum innan 30 daga.

Þú getur lagt fram kvörtun til Persónuverndar ef þú telur vinnslu okkar brjóta gegn lögum.

Öryggi

Gögn eru dulkóðuð í flutningi (HTTPS). Lykilorð eru geymd dulkóðuð. Kortaupplýsingar eru aldrei vistaðar á okkar kerfum.

Vafrakökur

Við notum aðeins nauðsynlegar vafrakökur til að halda þér innskráðum/innskráðri. Engar greiningarkökur eða þriðja aðila auglýsingakökur.